• вторник, 27 февруари 2024

МАЕИ: Ликот и делото на Свети Климент Охридски ја симболизираат силата и издржливоста на македонскиот дух

МАЕИ: Ликот и делото на Свети Климент Охридски ја симболизираат силата и издржливоста на македонскиот дух

Тирана, 9 декември 2023 (МИА) - Единствената партија на Македонците во Албанија, Македонска алијанса за европска интеграција, МАЕИ, упати честитка по повод 8 – Декември, Денот на Свети Климент Охридски.

-Македонска алијанса за европска интеграција, МАЕИ, на сите Македонци каде и да се им го честита празникот Свети Климент Охридски. Нека ни е честит и вековит Денот на Свети Климент, македонскиот духовен патрон и заштитник на македонскиот народ. Неговото наследство како прв словенски епископ и основоположник на Охридската книжевна школа е извор на неизмерна гордост за сите нас. Додека го славиме овој посебен ден, се потсетуваме на непоколебливата посветеност на Свети Климент на образованието и зачувувањето на нашата култура, стои во честитката.

Се додава дека ликот и делото на Свети Климент Охридски ја симболизираат силата и издржливоста на македонскиот дух. 

-Угледен ученик на светите браќа Кирил и Методиј, неговиот придонес во нашата историја е непроценлив. Нека духот на Свети Климент не води кон поголеми достигнувања и просперитетна иднина за сите Македонци, се посакува во честитката на МАЕИ, потпишана од претседателот Васил Стерјовски. вт/вј/

Фото: МАЕИ

 

Остани поврзан