Копенхаген, 2 октомври 2025 (МИА) - Шведскиот премиер Улф Кристерсон денеска изјави дека разговарал со украинскиот претседател Володимир Зеленски за идната соработка во воздушната одбрана и за шведските воени авиони „Грипен“, за кои Украина е заинтересирана.

„Разговаравме за континуирана соработка за развојот на идната одбрана на Украина, вклучително и воздушната одбрана, и интересот на Украина за ловците ’Грипен’ “, рече Кристерсон на социјалната мрежа X, пренесуваат британските медиуми.

Во Шведска претходно имаше политичка расправа за тоа дали да се испратат авиони „Грипен“ во Украина, и таа можност не беше исклучена.сд/

фото:МИА архива