Куманово, 14 ноември 2024 (МИА) - Припадниците на кумановската полиција денеска даруваа крв на крводарителска акција што се одржа во просториите на СВР Куманово, информираа од полицијата. Ова е трета редовна крводарителска акција на припадниците на СВР Куманово.

- Во периодот од 8:30 до 14:00 часот во просториите на СВР Куманово е спроведена редовна крводарителска акција на вработените во СВР Куманово, во која се собрани 25 крвни единици. Оваа крводарителска акција како индивидуален одраз на хуманост и на солидарност е трета по ред од предвидените три за 2024 година, што полициските службеници ги реализираат според годишниот план за крводарителство на СВР Куманово. Со секоја крводарителска акција припадниците на полицијата придонесуваат и за афирмација и унапредување на крводарителството во МВР, информираа од СВР Куманово.

СВР Куманово организираат три крводарителски акции во годината. ам/мд/

Фото: Црвен крст Куманово