Њујорк, 27 август 2025 (МИА) - Кадилак ќе спроведе тестови со болид од Формула 1 оваа година. Извршниот директор на тимот, Греам Лоудон, изјави дека планираат да спроведат неколку тест сесии користејќи болид стар две години.

Во исто време, со оглед на тоа што Кадилак нема свој автомобил што ги исполнува критериумите, американскиот тим ќе го изнајми од еден од тимовите од Формула 1.

- Оваа година ќе спроведуваме тестови зад воланот на болид од Формула 1. Иако е јасно дека ќе можеме да го направиме ова само со соработка со други тимови. Но, ова е сосема дозволено според правилата. Имаме план постепено да се развиваме и кога ќе стигнеме во Мелбурн (прва трка за сезоната 2026) ќе бидеме подготвени. Немаме болид, ниту пак имаме тековен автомобил со кој можеме да работиме на патеката, но веќе спроведуваме симулации на тркачки викенди. Следниот викенд ќе симулираме во Монца. И тоа ќе биде симулација на сите сесии во текот на викендот, од почеток до крај, со целосна интеграција на целиот персонал - од четврток до недела, рече Лоудон. 

Најверојатно, болидот на Кадилак за тестирањата ќе му го обезбеди Ферари, кој е технички партнер на американскиот тим и ќе го снабдува со мотори до 2029 година. зс/

Фото: Фејсбук