• недела, 19 мај 2024

Интер Мајами на Меси елиминиран од Купот на шампионите во КОНКАКАФ

Интер Мајами на Меси елиминиран од Купот на шампионите во КОНКАКАФ

Монтереј, 11 април 2024 (МИА) - Интер Мајами рано утрово загуби од Монтереј во реваншот од четвртфиналето на Купот на шампионите КОНКАКАФ со 3:1. Средбата се одржа на стадионот „ББВА Банкомер“ во Монтереј.

Напаѓачот на домашната екипа Брендон Васкез го отвори резултатот во 31. минута. Неговиот гол беше единствен во првото полувреме. Веднаш по паузата, тимот од Мексико постигна уште два гола - погодија Жерман Бертерам и Хесус Гала.

Во 79. минута гостите останаа во малцинство бидејќи дефанзивецот Жорди Алба доби втор жолт картон. На крајот од натпреварот Диего Гомез ги постави конечните 3:1 по асистенција на Лионел Меси.

Во првиот натпревар Монтереј победи со резултат 2:1. зс/

Фото: ЕПА

Остани поврзан