Битола, 31 октомври 2021 (МИА) - Кандидатот за градоначалник на Општина Битола од СДСМ Христо Кондовски, своето право на глас го оствари на гласачкото место број 0076 во урбаната заедница „Велко Влаховиќ“. - Очекувам изборниот ден да мине во фер и демократска атмосфера. Со мојата позитивна кампања мислам дека дадов сериозни пораки поврзани со моите заложби за позитивно водење на општината. Овој ден за мене претставува празник и за битолчани бидејќи го остваруваме нашето право кое воедно е и наша обврска. Од овој ден зависи каква ќе биде Битола во наредните четири години, што избираат и во таа смисла очекувам победа затоа што испративме сигнали на обединување на сите граѓански иницијативи. Ние ја разбравме пораката на битолчани за прогресивно водење на општината и посакувам да победи подобриот, да победи иницијативата за подобра Битола. Меѓу двата изборни циклуси имаше тензии, но тоа се избори, а од утре да продолжиме да работиме за подобар економски развој на Битола, изјави Кондовски. мт/цр/