Скопје, 26 август 2024 (МИА) - Полициски службеници од Мобилната единица за компензаторни мерки при Одделот за гранични работи и миграции денеска околу 12.25 часот во село Кучевиште, општина Чучер Сандево, запреле и извршиле контрола на товарно возило „мерцедес“ со скопски регистарски ознаки, управувано од Б.И.(33) од с.Сингелиќ, скопско. При контролата било утврдено дека возилото не поседува лиценца за јавен превоз и дека му е истечена важноста на тахографскиот уред, а возачот не поседувал возачка дозвола.

Како што информираат денеска од МВР, на возачот му е издаден записник за констатиран прекршок по член 225 став 9 од Законот за безбедност на сообраќајот на патиштата, а од Државниот инспекторат за транспорт дополнително ќе му биде изречена глоба за истечена важност на тахографскиот уред и непоседување лиценца. сст/мд/

фото МИА архива