Тел Авив, 13 декември 2025 (МИА) - Израелската војска денеска соопшти дека убила висок командант на Хамас во Појасот Газа, кој работел на обнова на капацитетите и производството на оружје на палестинската милиција.

Во соопштението не е наведено името на убиеното лице.

Сепак, израелските медиуми „Тајмс оф Израел“ и „ynet“ објавија дека цел на воздушниот напад бил Раад Саад, висок командант на палестинската милитантна организација, кој бил убиен во Појасот Газа.

Саад наводно бил главниот планер на терористичкиот напад од 7 октомври 2023 година врз јужен Израел, во кој беа убиени околу 1.200 луѓе, а над 250 беа киднапирани и однесени во Појасот Газа. ссм/

фото: архива