• среда, 17 јули 2024

Зеленски го смени украинскиот амбасадор во Велика Британија, Вадим Пристајко

Зеленски го смени украинскиот амбасадор во Велика Британија, Вадим Пристајко

Киев, 21 јули 2023 (МИА) -  Украинскиот претседател Володимир Зеленски го смени амбасадорот во Велика Британија, Вадим Пристајко, пренесоа британските медиуми.

Во уредбата на претседателот не се посочуваат причините за смената, но се наведува дека Присајко е отстранет и од функцијата украински претставник во Меѓународната поморска организација.

Велика Британија е силен сојузник на Киев по инвазијата на руските сили врз Украина во февруари минатата година.

Амбасадорот Пристајко неодамна упати критика кон украинскиот претседател, изразувајќи жалење за неговите „саркастични" коментари за британскиот министер за одбрана, Бен Волас, кој побара од украинското раководство поголема благодарност за воената помош, што сојузниците му ја даваат на Киев, забележаа француските медиуми. сд/

фото:ЕПА

Остани поврзан