За брзо возење на територија на СВР Тетово казнети 286 возачи
Скопје, 5 март 2023 (МИА) - На територија на СВР Тетово, денеска во периодот од 10:00 до 18:00 часот спроведена е засилена акциска контрола за санкционирање на возачи кои се движат со брзина поголема од пропишаната, при што санкционирани се 286 возачи.
Како што информираат од МВР, од нив 55 возила се движеле со брзина над 50 километри на час повеќе од дозволеното (ТЕ-32 и ГВ-23), а 10 возила се движеле со дури над 70 километри на час повеќе од дозволената брзина (ТЕ-7 и ГВ-3). При тоа 159 ја пречекориле брзината надвор од населено место (ТЕ-96 и ГВ-63), а 127 во населено место (ТЕ-76 и ГВ-51).
-За време на контролата биле санкционирани и 14 други видови на сообраќајни прекршоци (ТЕ-7 и ГВ-7).
СВР Тетово продолжува со контролни активности и во наредниот период и апелира до возачите да ги почитуваат сообраќајните правила и прописи, со што ќе придонесат за нивната и за безбедноста на сите учесници во сообраќајот, се наведува во соопштението од МВР. сст/дма/
Фото: МВР
