Велес, 9 јануари 2026 (МИА) - Во Територијалната противпожарна единица (ТППЕ) Велес, синоќа во 20:15 часот, била примена дојава за запалено патничко моторно возило кај манастирчето на Штипско петле, на еден од влезовите и излезите од градот.

По пријавата, екипа од ТППЕ Велес излегла на лице место со едно противпожарно возило и двајца пожарникари. По пристигнувањето било констатирано дека пожарот веќе бил изгаснат од случаен минувач со противпожарен апарат.

– По пристигнување на лице место од наша страна не е интервенирано, а благодарение на присебноста на случаен минувач пожарот е изгаснат со противпожарен апарат, информираат денеска од ТППЕ Велес.

Оттаму апелираат до граѓаните, доколку забележат пожар, веднаш да се јават на бесплатните телефонски броеви 193 или 112. ад/дма/

Фото: МИА архива