Ереван, 19 август 2025 (МИА) - Ерменскиот премиер Никол Пашињан денеска изјави дека се договорил со иранскиот претседател Масуд Пезешкијан да ги развиваат билатералните односи на ниво на „стратешко партнерство“, објавија ерменските медиуми.

Тој ги даде овие забелешки на заедничка прес-конференција со Пезешкијан, кој од вчера е во официјална посета на земјата.

Пашинјан изрази уверување дека посетата на Пезешкијан ќе ги зајакне пријателските врски меѓу двете земји.

Ерменскиот претседател рече дека силното партнерство и меѓусебната доверба меѓу Ерменија и Иран се темелат на цврстото пријателство меѓу двата народа, „кое достоинствено го издржа тестот на времето и, во извесна смисла, ги испреплете историските патишта на двата народа“.

-Се согласивме дека е крајно време да се работи на подигнување на односите меѓу нашите земји на ниво на стратешко партнерство, рече Пашињан. мс/

фото: ЕПА