Дехари ќе биде единствен знаменосец на ЗОИ Пекинг 2022
Скопје, 3 февруари 2021 (МИА) - Единствен носител на македонското знаме на отворањето на ЗимскитеОлимписки игри Пекинг 2022 ќе биде Дардан Дехари, откако Ана Цветановска поради близок контакт со својот тренер нема да може да го носи знамето.Како што информираат од „Тристар“ Цветановска е негативна на сите Ковид-тестови, но, поради близок контакт со својот тренер, Борче Јованоски, кој е два пати позитивен на Ковид-19, нема да може да го носи македонското знаме.Доколку има два последователни негативни теста, со посебно одобрение, Борче Јованоски ќе може веднаш од специјализираниот ковид-хотел да се врати во Олимпиското село во Пекинг. ар/лв/
