Скопје, 23 јуни 2022 (МИА) - Националната конвенција за Европската Унија во Северна Македонија денеска ќе биде домаќин на Работната група 5 – Животна средина (Поглавје 27), што ќе ја одржи четвртата сесија на тема „Заштита на природата преку одржливо управување со шумите“, во организација на Европското движење. Најавено е обраќање на министерот за земјоделство, шумарство и водостопанство, Љупчо Николовски, заменик министерот за животна средина и просторно планирање Христина Оџаклиеска, евроамбасадорот Дејвид Гир и словачкиот амбасадор Хенрик Маркуш. Во дебатата ќе бидат вклучени македонски и словачки експерти за животна средина и за шумарство, универзитетски професори, екологисти, но и претставници од граѓанскиот сектор, релевантни на оваа тема. мс/вг/