Двојна трагедија во штипско-карбинскиот регион
- Двојна трагедија го потресе штипско-карбинскиот регион. Момче и девојка поради недозволена љубов во рок од 24 часа си ги одзедоа животите со бесење. Дваесет и пет годишното момче вчера на лок
![Двојна трагедија во штипско-карбинскиот регион](https://mia.mk/images/20221107231408_big_730x400_70.webp )
Штип, 14 јули 2021 (МИА) - Двојна трагедија го потресе штипско-карбинскиот регион. Момче и девојка поради недозволена љубов во рок од 24 часа си ги одзедоа животите со бесење. Дваесет и пет годишното момче вчера на локалитетот „Баргала“, а утринава и неговата 21 годишна девојка од селото Аргулица.
Портпаролот на СВР-Штип, Гордана Панајотова потврдува дека утринава во 9.20 часот полицијата добила повик од Итната медицинска помош за пронајдено женско тело во семејна плевна во селото Аргулица. Извршен е увид на местото, а јавен обвинител наредил и обдукција на починатата девојка.
Мештаните во селото Аргулица се во шок, велат дека ова што се случи е двојна трагедија, за девојката потенцираат дека била мирна и вредна, а постојано им помагала доколку им била потребна медицинска помош, бидејќи работела во штипското Инфективно одделение како медицинска сестра и за време на неколкуте бранова била, какошто велат во првите борбени редови да им помага за пациентите во тешка здравствена состојба.
Момчето и девојката биле во врска, но, како,што велат дел од жителите, не им била дозволена, од едно од семејствата. Покрај телото на девојката утринава е пронајдено и проштално писмо. вдј /цр
![Штип 1](/articles/images/dvo-na-tragedi-a-vo-shtipsko-karbinskiot-region/M9FBCULnY/placeholder.webp?use_watermark=0)