Мелбурн, 26 август 2025 (МИА) - Двајца полицајци се убиени, а трет е повреден во пукотница на селски имот во Порепунка, на североистокот од австралиската држава Викторија, објавија локалните власти.

Возила на брза помош и полициски возила се на местото на настанот, околното подрачје е блокирано, а на жителите им се советува да не ги напуштаат своите домови.

„Извештаите потврдуваат дека еден полицаец е повреден, а двајца други починале откако полицијата извршила налог на рурален имот“, соопшти Австралиската федерална полициска асоцијација (AFPA).

Полицијата го опиша настанот како „активен и тековен инцидент што може да претставува значителен ризик за граѓаните“, пренесува Еј-Би-Си (ABC).

Австралискиот премиер Ентони Албанезе и премиерката на Викторија, Јасинта Алан, го осудија нападот и изразија загриженост за опасностите за безбедносните сили.сд/

фото:ЕПА

🚨 Australia🇦🇺 - Two Police officers killed another injured in an ambush.
The shooting occurred at Porepunkah in Victoria 300 km north west from Melbourne.
The shooter is still at large
A police helicopter and specialist teams are searching for the shooter.
A school is… pic.twitter.com/nqpLA0a52x

— The Consultant (@TheConsultant18) August 26, 2025