Џакарта, 15 март 2023 (МИА) – Во свлечиште, предизвикано од силен дожд, загинаа две лица, соопшти официјален претставник, пренесе ДПА.

Други четворица се водат за исчезнати откако земјиштето затрупа шест куќи во Богор, град на околу 60 километри јужно од Џакарта, наведе  шефот на локалната агенција за управување со катастрофи, Теофило Патрисио Фреитас.

Фреитас, кажа дека лизгањето на земјиштето било предизвикано од обилните врнежи.

Одроните се вообичаени во Индонезија, особено во сезоната на дождови што трае од октомври до април.

Десетици лица минатата недела загинаа во лизгање на земјиштето што затрупа куќи во село на индонезиските острови Натуна, потсети ДПА. сд/