Њујорк, 27 декември 2024 (МИА) - Генералниот секретар на Обединетите нации Антонио Гутереш ја осуди ескалацијата на конфликтот во Јемен и ги повика сите страни да престанат со воените дејствија и да покажат воздржаност, изјави портпаролката на ОН, Стефани Трембли.

Според неа, Гутереш изразил длабока загриженост за ескалацијата на конфликтот меѓу Израел и јеменските бунтовници Хути.

Гутереш, исто така, предупреди дека израелските воздушни напади врз пристаништата на Црвеното Море и аеродромот во Сана претставуваат сериозен ризик за хуманитарните операции во време кога на милиони луѓе им е потребна итна помош, рече Трембли. паг/

Фото: ЕПА