Лос Анџелес, 5 мај 2023 (МИА) - „Гугл“ го потврди и официјално го најави доаѓањето на пазарот на новиот паметен телефон на преклопување, наречен „Пиксел фолд“.

На својата Конференција за 2023 година, технолошката компанија прикажа и куса видеоснимка која го најавува новитетот што своето официјално претставување ќе го има на 10 мај. Сѐ уште нема подробности за самиот уред, но прикажано е дека се отвора слично како „Галакси Зи Фолд“ уредите на „Самсунг“, како и изгледот на внатрешниот екран.

Модулот на камерата на задната страна на телефонот е сличен на оние на другите „Пиксел“ уреди, но не е толку истакнат.

Според најавите претходно, покрај телефонот, ќе биде претставен и новиот „Пиксел“ таблет.  си/паг/

Фото: Гугл.