Берлин, 9 февруари 2024 (МИА) - Германската коалициска влада се откажа од контроверзните планови за отстранување на терминот „раса“ од одредбата за антидискриминација во Уставот, јави ДПА.

Според некои критичари, во Германија одамна постои чувство дека употребата на терминот „раса“ во Основниот закон подразбира вистинско постоење на различни човечки раси.

Зборот за кој станува збор е употребен во третиот дел од Уставот, што наметнува строга забрана за дискриминација врз основа на „пол, потекло, раса, јазик, земја и потекло, вера и религиозно и политичко мислење“.

Текстот е напишан во врска со бруталниот крвав терор на нацистичкиот режим, што беше поразен само четири години пред усвојувањето на Уставот на Западна Германија.

Меѓутоа, некои Германци не ја сметаат употребата на зборот „раса“ за соодветна, делумно поради неговата широка употреба во нацистичката реторика и пропаганда.

Меѓу оние кои се спротивставија на плановите за промена на текстот на Основниот закон беше Џозеф Шустер, претседател на Централниот совет на Евреите во Германија. Според него, отстранувањето на концептот е обид да се препише историјата. сд/

фото: МИА архива