Берлин, 28 јуни 2022 (МИА) - Германските власти соопштија дека повеќе предмети со непроценлива вредност земени од Африка за време на колонијализмот, ќе бидат трајно вратени назад. Германската државна Фондација за пруско културно наследство објави дека одборот директори на агенцијата одобрил враќање на антиквитети во Камерун, Намибија и Танзанија. Статуа затворена со школка, на пр., којашто ја претставува мајката божица Нгонсо, е еден од одземените предмети и ќе биде му вратена во Камерун. Статуата е дел од колекциите на Етнолошкиот музеј во Берлин од 1903 година. Неа „ја подарил“ германски колонијален офицер, кој ја зел статуата од народот Нсо од северозападен Камерун. Во Намибија трајно ќе бидат вратени 23 антиквитети. Од 1884 до 1919 година таму биле однесени накит, алатки, орудија и облека. Предметите претходно биле испратени на проучување, назад во Намибија, но сега трајно ќе останат во таа земја. И во Танзанија, предмети запленети во воените судири на почетокот на 20. век, исто така, ќе бидат вратени.  си/