Бирмингем, 29 декември 2020 (МИА) – Македонскиот фудбалски репрезентативец Езѓан Алиоски го постигна вториот гол сезонава во Премиерлигата, во триумфот на Лидс вечерва на гостувањето кај Вест Бромвич Албион со 5:0. Алиоски го одигра целиот натпревар и беше прецизен во 31 минута. Својот гол првенец во англискиот шампионат Алиоски го постигна пред две недели во триумфот на Лидс над Њукасл од 5:2. По 16 одиграни натпревари во Премиерлигата, Лидс со 23 бодови е на средина на табелата, а во следното коло, в сабота, му гостува на Тотенхем. ег/оџ