Скопје, 7 март 2025 (МИА) - Вработените во Државниот пазарен инспекторат (ДПИ) денеска ја очекуваат платата за февруари, а јануарската им е веќе исплатена.

Како што информира директорот на ДПИ Влатко Стојкоски, решен е проблемот и со пријавувањето/одјавувањето на вработените.

- До пред неколку дена точно беше дека немавме земено плата за два месеца, но сега веќе не е. За јануари земавме во вторникот или средата, а денеска ја очекуваме платата за февруари. Ова се должеше на трансформацијата и главно се работи за внатрешни активности. Сега во моментов е се во ред. Одјава и пријава на вработени е завршено и немаме никакви проблем, истакна Стојкоски на прес-конференција, одговорајќи на новинарски прашања.

Пред неколку дена за доцнењето на платите во ДПИ реагираше и Сојузот на синдикатите на Македонија (ССМ). Соопшти дека ќе провери што се случува и доколку се утврди дека вработените не земале плата еден или два месеца, ќе поднесе соодветни пријави. мч/лв/

фото: МИА