Во Јапонија во октомври имало поголем број на самоубиства од починати од последици од Ковид-19
- Јапонската полиција денеска соопшти дека во октомври регистрирани се 2.153 самоубиства, а од последици од новиот коронавирус починале помалку од 2.000 луѓе
![Во Јапонија во октомври имало поголем број на самоубиства од починати од последици од Ковид-19](https://mia.mk/images/20221105120431_big_730x400_90.webp )
Токио, 29 ноември 2020 (МИА) - Јапонската полиција денеска соопшти дека во октомври регистрирани се 2.153 самоубиства, а од последици од новиот коронавирус починале помалку од 2.000 луѓе.
Од почетокот на годината во Јапонија забележани се 17.000 самоубиства, а според експертите по памдемијата е влошено менталното здравје на Јапонците поради долготрајната изолација, одвоеност од членовите на семејството, невработеноста и другите финансиски проблеми.
- Мораме сериозно да се соочиме со реалноста, изјави портпаролот на јапонската Влада, Кацунобу Като и ги повика Јапонците да побараат помош преку телефон и социјалните мрежи.
Јапонија традиционално има висока стапка на самоубиства, но неколку години, пред пандемијата, регистриран е пад на нивниот број. ми/