Штип, 20 декември 2023 (МИА) - Со положување цвеќе пред спомен-бистата на македонскиот поет Ацо Шопов денеска се одбележаа 100 години од неговото раѓање. Преставници од Општина Штип, политички патрии, делегации, здруженија, пријатели и преставници од семејството дадоа почит на великанот, кој преку поезијата го прошири македонското име надвор од гранците на државата.

-Еве денес се одбележува  стогодишнината од раѓањето на Ацо Шопов, нашиот голем човек, поет кој ги отвори со својата поезија ширум вратите на Македонија во светот. Положивме цвеќе, му оддадовме голема почит, се слеавме во тишината покрај неговата спомен-биста, оставајќи си на себе еден завет дека треба да го почитуваме неговото дело, да ги негуваме неговите оставнини кои ни ги даде, неговите песни, вели во пригодната реч за Ацо Шопов, Драгица Петрова, професор по македонски јазик во ООУ „Славејко Арсов“-Штип.

Во штипските културни институции цела година е во знакот на одбележување на стогодишнината од раѓањето на Ацо Шопов и се реализираат низа настани по овој повод. Вчера на одбележувањето на патронот на град Штип, постхумно великанот Шопов го доби и Орденот „Свети Никола“, а го прими неговата ќерка Јасмина Шопова. Шопов е македонски поет и револуционер  кој остави многу, а идните генерации треба да чекорат по неговите стапки. вдј/мд/

Фото: МИА