Во КИЦ на Северна Македонија во Софија отворена изложба на скулптури на Марјан Стојаноски
- Во галеријата на Културно - иинформативниот центар на Република Северна Македонија во Софија синоќа беше отворена изложбата „Панта реи“ на македонскиот уметник и скулптор Марјан Стојаноски, ј
![Во КИЦ на Северна Македонија во Софија отворена изложба на скулптури на Марјан Стојаноски](https://mia.mk/images/20221113204200_big_730x400_59.webp )
Софија, 25 август 2022 (МИА) - Во галеријата на Културно - иинформативниот центар на Република Северна Македонија во Софија, синоќа беше отворена изложбата „Панта реи“ на македонскиот уметник и скулптор Марјан Стојаноски, јави дописникот на МИА од Софија.
Ова е прва самостојна изложба на Стојаноски во Софија, која е составена од ротирачки скулптури изработени со метални и дрвени елементи. Делата се создавани од Стојаноски во изминатите две години, а годинава беа претставени во Скопје.
Изложбата ја отвори директорот на КИЦ на Северна Македонија во Софија, Сашко Насев, кој изјави дека скулптурите ја отсликуваат визијата на авторот за светот и неговиот одраз. Стојаноски, пак, рече дека името на неговата изложба „Панта Реј“ доаѓа да покаже дека треба да бидеме поблиску до уметноста, бидејќи таа е ненадминлива и вечна.
На изложбата присуствуваа странски амбасадори и бугарски интелектуалци и пријатели на културата на Северна Македонија. Стојаноски за МИА, изјави дека по втор пат доаѓа во Бугарија, а прв пат одржува изложба. Посочи дека уметноста може да ги зближи двете соседни земји и да отвори нови хоризонти за уметниците да се запознаат и подобро меѓу себе да комуницираат.
Изложбата во КИЦ на Република Северна Македонија во Софија ќе биде отворена за посетители до 31 август 2022 година.
Стојаноски е роден во Прилеп во 1983 година, по што средното образование го завршил во Уметничкото училиште „Лазар Личеноски“ во Скопје, а потоа студирал на Факултетот за ликовни уметности во Скопје, во класата на проф. Ибрахим Беди. нк/вг/
![изложба киц софија марјан стојаноски](/articles/images/%d0%b2%d0%be-%d0%ba%d0%b8%d1%86-%d0%bd%d0%b0-%d1%81%d0%b5%d0%b2%d0%b5%/KMCEGFq1p/placeholder.webp?use_watermark=0)
![изложба киц софија марјан стојаноски 2](/articles/images/%d0%b2%d0%be-%d0%ba%d0%b8%d1%86-%d0%bd%d0%b0-%d1%81%d0%b5%d0%b2%d0%b5%/IaKV36PNY/placeholder.webp?use_watermark=0)