Пекинг, 9 јули 2020 (МИА) - Шефот на кинеската дипломатија Ванг Ји денеска изјави дека односите помеѓу Кина и САД се соочуваат со најсериозните предизвици откако се воспоставени дипломатски односи и оти на двете држави и трабаат позитивни пораки. -  Кина и САД би требало заеднички да ги истражат начините за мирен соживот, посочи Ванг. Тој додаде дека се надева оти САД ќе изградат објективно разбирање за Кина и оти ќе формулираат порационална и попрагматична политика кон Пекинг. ми/