Бразилија, 22 ноември 2024 (МИА) - Федералната влада на Бразил јавно му се извини на црното население за ропството на црнците и последиците од тие дела, со порака дека борбата против расната дискриминација во земјата треба да продолжи, објави lnginnorthernbc.ca .

 „Унијата јавно се извинува за ропството на црнците, како и за неговите последици. Признава дека е неопходно да се вложат напори за борба против расната дискриминација и промовирање на еманципацијата на црниот бразилски народ. Конечно, таа е посветена на зајакнување на фокусот за креирање јавни политики за оваа намена“, се наведува во пораката што во главниот град Бразилија ја прочита државниот обвинител Хорхе Месијас.

Министерката за човекови права и државјанство, Макае Еваристо, во текот на настанот потсети на борбата на црното население за слобода, еднаквост и остварување на правата. Таа изјави дека за неа признанието е резултат на борбата и делата на многу актери на црното движење.сд/

фото:ЕПА