• среда, 17 април 2024

Блинкен ќе се сретне со Нетанјаху за време на второто патување во Израел од почетокот на војната

Блинкен ќе се сретне со Нетанјаху за време на второто патување во Израел од почетокот на војната

Вашингтон, 1 ноември 2023 (МИА) – Американскиот државен секретар Антони Блинкен планира повторно да го посети Израел оваа недела, пренесе ДПА.

Портпаролот на американскиот Стејт департмент Метју Милер денеска во Вашингтон изјави дека Блинкен в петок ќе отпатува за Израел и Јордан.

Тој треба да се сретне со израелскиот премиер Бенјамин Нетанјаху и со други претставници на израелската влада „за да добие нови информации за нивните воени цели и планови за исполнување на тие цели“, рече Милер.

Блинкен отпатува за Тел Авив неколку дена по разорните напади на Хамас врз Израел и исто така посети други земји во регионот.

Набргу потоа и американскиот претседател Џо Бајден го посети Израел. јт/

Фото: МИА архива

Остани поврзан