Бил Гејтс пристигна во Бодрум со јахта долга 107 метри
- Основачот на американскиот технолошки гигант „Мајкрософт“, Бил Гејтс го посети Бодрум - еден од бисерите на турскиот туризам.

Бодрум, 25 октомври 2021 (МИА) - Основачот на американскиот технолошки гигант „Мајкрософт“, Бил Гејтс го посети Бодрум - еден од бисерите на турскиот туризам.
Тој пристигна таму со јахтата „Лана“, под знамето на Кајманските Острови, долга 107 метри и широка 16 метри. Огромното пловило се вкотви кај замокот Бодрум.
Гејтс и неговата придружба, меѓу другото, ги посетија замокот Бодрум и Подводниот археолошки музеј. си/сд/