Скопје, 10 октомври 2022 (МИА) - На зонските паркиралишта со кои стопанисува ЈП „Градски паркинг“ - Скопје утре, на Денот на народното востание -11 Октомври, нема да се врши наплата, освен на паркинг зона А0 Водно. Како што информира ЈП „Градски паркинг“ - Скопје, со редовна работа и наплата ќе работат двете катни гаражи „Беко“ и „26ти Јули“ и јавните паркиралишта „Кочо Рацин“, „Треска“, Градска болница и Клинички центар „Мајка Тереза“. ЈП „Градски паркинг“ - Скопје на сите граѓани им го честита утрешниот празник, 11 Октомври. мд/дма/