Ливерпул, 20 јули 2022 (МИА) - Бен Дејвис од Ливерпул постигна договор шкотскиот фудбалски клуб Рејнџерс, потврди клубот. Дефанзивецот го потпишал договорот на четири сезони, а британските медиуми пренесуваат дека Рејнџерите ќе платат 4 милиони фунти за правата на 26-годишниот фудбалер. - Многу сум возбуден за мојот трансфер. Во исчекување сум за мојот следен чекор во кариерата. Ова е голем клуб со огромни амбиции и едвај чекам да започчнам, изјави Дејвис, стои на веб-страната на клубот. Дејвис беше на позајмица во Шефилд Јунајтед од Ливерпул во Англиското првенство, каде одигра 23 натпревари. Ова е шесто засилување на тимот од Глазгов ова лето. ар/цр