Брисел, 10 јануари 2024 (МИА) - Белгискиот еврокомесар Дидие Рејндерс ќе биде номиниран за генерален секретар на Советот на Европа, изјави денеска портпаролот на белгиската Влада, цитиран од британските медиуми.

Советот на Европа е паневропска група која од своето создавање по Втората светска војна има задача да ги поддржува човековите права и владеењето на правото. 

Седиштето на Советот на Европа се наоѓа во Стразбур, во Франција, и не е дел од институциите на Европската унија. 

Петгодишниот мандат на сегашната претседателка, Марија Пејчиновиќ Буриќ, истекува кон крајот на оваа година.

Рејндерс е белгиски еврокомесар од 2019 година и е одговорен за правдата и владеењето на правото.сд/

фото:МИА архива