Минхен, 10 јуни 2025 (МИА) - Германскиот шампион Баерн Минхен ги разгледува напаѓачот на Пари Сен Жермен, Бредли Баркола, и младиот играч на Атлетик Билбао, Нико Вилијамс, како потенцијални летни засилувања.

Напаѓачот на Барселона е на врвот на трансфер листата на Баерн, но се очекува победникот на Лигата на шампионите, ПСЖ, да побара висока отштета за да се раздели од него. Баркола постигна 21 гол и имаше 19 асистенции минатата сезона.

Доколку Бредли Баркола не биде привлечен, гигантите од Минхен ќе се свртат кон шпанскиот интернационалец Нико Вилијамс, објави „Скај Спорт“, додавајќи дека клаузулата за откуп на Вилијамс е поставена на 60 милиони евра.

Сепак, трансферните планови на Баерн зависат и од евентуалната продажба на Лерој Сане и Кингсли Коман, чија иднина во клубот е сè уште нејасна. дс

Фото: Принтскрин