Баерн е подготвен да го пушти Дејвис во Реал за 50 милиони евра
- Бундеслигашот Баерн Минхен ја определи сумата за која е подготвен да го пушти дефанзивецот Алфонсо Дејвис во Реал Мадрид.
![Баерн е подготвен да го пушти Дејвис во Реал за 50 милиони евра](https://mia.mk/images/20231024123250_big_730x400_95.webp )
Минхен, 24 октомври 2023 (МИА) – Бундеслигашот Баерн Минхен ја определи сумата за која е подготвен да го пушти дефанзивецот Алфонсо Дејвис во Реал Мадрид.
Според „Билд“, тимот од Минхен очекува да заработи најмалку 50 милиони евра од продажбата на 22-годишниот Канаѓанец. Реал Мадрид сака да го ангажира фудбалерот за 40 милиони евра.
Договорот на Дејвис со Баерн е до летото 2025 година. Порталот „Трансфермаркт“ ја проценува вредноста на играчот на 70 милиони евра.
Оваа сезона Дејвис има одиграно 12 натпревари и креирано три асистенции. зс/
Фото: ЕПА