Лондон, 13 март 2025 (МИА) - Дефанзивецот на Ливерпул, Трент Александер-Арнолд ќе го пропушти финалето на англискиот Лига куп против Њукасл.

Фудбалерот се здобил со повреда на скочниот зглоб на реванш натпреварот од осминафиналето на Лигата на шампионите со ПСЖ (0:1, пенали 1:4). 

Според „Дејли мејл“ повредата не е сериозна и Александер-Арнолд ќе може повторно да биде на теренот оваа сезона.

Дваесет и шестгодишниот играч сезонава одигра 39 натпревари во сите натпреварувања, постигна три гола и седум асистенции.

Натпреварот Ливерпул - Њукасл ќе се одигра на 16 март на стадионот „Вембли“ во Лондон со почеток во 17:30 часот. зс/

Фото: ЕПА