Москва, 12 август 2023 (МИА) - Гувернерот на Крим Сергеј Аксјонов денеска изјави дека руската противвоздушна одбрана соборила два проектила во близина на Керченскиот теснец.

Во изјавата објавена на Телеграм, Аксјонов вели дека Кримскиот мост, кој Украина постојано го напаѓа, не е оштетен.

Советникот на Аксјонов, Олег Крјучков, изјави дека има димна завеса околу мостот и сообраќајот, кој привремено беше прекинат, наскоро ќе биде обновен.

Според руското Министерство за одбрана, Киев се обидел да го нападне мостот на Крим со ракети С-200, но дека нема жртви или материјална штета. паг/

Фото: МИА архива