Zëvendëskryeministri i parë Mexhiti në koordinim me ministrat e koalicionit “VLEN”
- Për të siguruar një shkallë të lartë efikasiteti në zbatimin e zotimeve programore, zëvendëskryeministri i parë i qeverisë dhe ministri i Mjedisit Jetësor dhe Planifikimit Hapësinor, Izet Mexhiti ka mbajtur koordinim të rregullt meministrat e Shëndetësisë, Çështjeve evropiane, Ekonomisë, Qeverisjes së mirë, si dhe atë të Punës, Demografisë dhe Rinisë të cilët u zgjodhën me propozimin e koalicionit VLEN.
- Post By Fami Bajrami
- 13:07, 28 qershor, 2024
![Zëvendëskryeministri i parë Mexhiti në koordinim me ministrat e koalicionit “VLEN”](https://mia.mk/images/20240628130743_big_730x400_37.webp )
Shkup, 28 qershor 2024 (MIA)- Për të siguruar një shkallë të lartë efikasiteti në zbatimin e zotimeve programore, zëvendëskryeministri i parë i qeverisë dhe ministri i Mjedisit Jetësor dhe Planifikimit Hapësinor, Izet Mexhiti ka mbajtur koordinim të rregullt meministrat e Shëndetësisë, Çështjeve evropiane, Ekonomisë, Qeverisjes së mirë, si dhe atë të Punës, Demografisë dhe Rinisë të cilët u zgjodhën me propozimin e koalicionit VLEN.
“Ky lloj koordinimi do të shtrihet edhe me zëvendësministrat dhe me kuadrin tjetër të zgjedhur dhe të emëruar të VLEN-it në pushtetin ekzekutiv. Ne mbetemi plotësisht të përkushtuar për zbatimin e premtimeve parazgjedhore dhe zbatimin e politikave që do të zgjidhin problemet e qytetarëve, do të rrisin standardet e jetesës dhe do të sigurojnë një të ardhme të sigurt”, theksohet në komunikatën e dërguar të Lëvizjes Besa.
Jemi të fokusuar, siç thuhet në dinamizimin e perspektivave të BE-së, luftën kundër korrupsionit, zhvillimin ekonomik dhe decentralizimin e pushtetit tek komunat si shërbimi i parë i drejtpërdrejtë për qytetarët.
“Ne kemi një plan dhe vizion për të dhënë rezultate brenda afateve të përcaktuara saktësisht. Së bashku me kryetarin e Kuvendit dhe deputetët e koalicionit qeverisës do të propozojmë dhe miratojmë zgjidhje të duhura ligjore”, thuhet në komunikatë.