Uashington, 25 korrik 2024 (MIA) - Presidenti i SHBA-së Xho Bajden në një fjalim historik drejtuar kombit mbrëmë, i pari që nga ai i Lindon Xhonson në vitin 1968, shpjegoi vendimin e tij për t'u tërhequr nga gara presidenciale dhe se ai "po ia dorëzon stafetën brezit të ri".

Sipas tij, atë brez duhet ta udhëheqë “lideri i madh, nënpresidentja Kamala Haris”.

Në një fjalim nga kabineti i tij që zgjati rreth 20 minuta, Bajden tha se "po dorëzonte stafetën" dhe u tha amerikanëve për herë të parë arsyen e largimit tij të papritur nga zgjedhjet e vitit 2024.

"Javët e fundit kuptova se duhet të bashkoj partinë time. Unë besoj se puna ime si president, lidershipi im në botë, vizioni im për të ardhmen e Amerikës - të gjitha këto meritonin një mandat të dytë, tha presidenti i SHBA-së.

"Por asgjë, asgjë nuk duhet të pengojë shpëtimin e demokracisë sonë. Kjo përfshin gjithashtu ambiciet personale. Kështu që vendosa që mënyra më e mirë përpara ishte t'ia dorëzoja stafetën brezit të ri. Kjo është mënyra më e mirë për të bashkuar kombin tonë", tha Bajden, duke aluduar në atë që demokratët e shohin si rrezik për rikthim të kandidatit republikan Donald Trump në Shtëpinë e Bardhë.

"Unë e respektoj thellësisht këtë pozicion, - theksoi presidenti dhe shtoi: Por unë e dua më shumë vendin tim.

Në fjalimin e tij të parë drejtuar kombit që nga largimi nga gara presidenciale, presidenti 81-vjeçar e përshkroi trashëgiminë e tij si të jashtëzakonshme dhe tha se do të qëndrojë në detyrë edhe për gjashtë muaj të tjerë, deri në fund të mandatit të tij, i cili përfundon më 22 janar 2024.

"Mbrojtja e demokracisë është më e rëndësishme se çdo titull. Unë marr forcë dhe gëzim nga puna për të mirën e popullit amerikan. Vendosa që mënyra më e mirë përpara ishte t'ia kaloja stafetën një brezi të ri. Është mënyra më e mirë për të bashkuar vendin tonë", përsëriti ai.

Bajden konfirmoi se në gjashtë muajt e ardhshëm "ai do të fokusohet në përmbushjen e përgjegjësive të tij si president".

Kjo do të thotë se do të vazhdoj të ulim kostot për familjet që punojnë dhe të zhvillojë ekonominë tonë. Unë do të vazhdoj të mbroj liritë tona personale dhe të drejtat tona civile – nga e drejta për të votuar tek e drejta për të zgjedhur.

Me mbështetje të dhënë nga Bajden, nënpresidentja Kamala Harris (59) mblodhi mjaft vota delegatësh për t'u bërë kandidatja presidenciale demokrate. Ajo është gati të përballet me Trampin, i cili tashmë ka nisur fushatën e tij parazgjedhore dhe i cili sot në një tubim në Karolinën e Veriut i qëlloi të shtënat e para ndaj Haris, në një fjalim në stilin e tij me tallje, në të cilin ai qëllimisht shmangte shqiptimin e saktë të emrit të saj.

"Falë mbështetjes suaj, vazhdoj të luftoj për të ardhmen e vendit tonë, - tha Harris në fjalimin e saj drejtuar komunitetit të grave afrikano-amerikane me qendër në Indianapolis.

Ajo kritikoi "Projekt 2025," një plan radikal për reforma të qeverisë, të udhëhequr nga Tramp, si një përpjekje për të "ta kthyer Amerikën në të kaluarën e errët".

Haris (59) nderoi Bajden në fjalimin e saj, duke thënë se fjalimi i saj i ishte kushtuar "jo vetëm punës së jashtëzakonshme që ai ka bërë, por edhe punës së tij gjatë gjashtë muajve të ardhshëm".

Në një surprizë të madhe për publikun amerikan dhe global, Bajden të dielën publikoi se nuk do të kandidojë përsëri, duke iu përkulur presionit pas një debati të dështuar me Trampin muajin e kaluar dhe kritikave nga partia e tij se mosha e tij, pengesat njohëse dhe gabimet në të folur do të çojnë në një fitore të Trampit në zgjedhjet e nëntorit.

Zëdhënësja e Shtëpisë së Bardhë, Karin Zhan-Pjer, u tha gazetarëve mbrëmë se vendimi i Bajdenit "nuk ka të bëjë me shëndetin e tij". Ajo mohoi se Shtëpia e Bardhë fshihte ndonjë përkeqësim të mundshëm të gjendjes së Bajdenit.

Ai u kthye në Shtëpinë e Bardhë të martën pas gati një jave pushim mjekësor në shtëpinë e tij në Delaver pasi javën e kaluar u infektua me Kovid dhe kaloi kohë në izolim. Gjatë kohës së karantinës, ai mori vendimin për t'u tërhequr nga gara presidenciale.

Republikanët i kanë bërë thirrje Bajdenit të japë dorëheqje edhe nga posti presidentit, ndërsa disa republikanë në Kongres po përgatisin një padi që pretendon një operacion përmbulim dhe grusht shteti, duke argumentuar se largimi i tij dhe emërimi i Harris si pasardhës i tij ishin veprime të paligjshme. Ata thanë se nëse ai nuk është i aftë për të kandiduar për president, atëherë ai nuk është i aftë edhe për të udhëhequr vendin.

Bajden, i cili është gjithnjë e më shumë kritik ndaj fushatës ushtarake të Izraelit në Rripin e Gazës, po takohet me kryeministrin izraelit Benjamin Netanyahu sot në Shtëpinë e Bardhë. ls/

foto: EPA