Moskë, 1 shtator 2024 (MIA) - Një dron që po fluturonte drejt Moskës është shkatërruar në rajonin rreth kryeqytetit rus, ka thënë kryetari i Moskës, Sergej Sobjanin në një postim në Telegram.

Të paktën 12 dronë të nisur nga Ukraina u shkatërruan gjithashtu mbi rajonin kufitar Brjansk, në Rusinë jugperëndimore, deklaroi guvernatori rajonal Aleksander Bogomaz në Telegram.

Dy aeroplanë sulmues pa pilot u rrëzuan gjithashtu mbi rajonin Kursk, deklaroi në Telegram Aleksej Smirnov, ushtrues detyre i guvernatorit të rajonit, i cili ka qenë pjesërisht i pushtuar nga Ukraina që nga pushtimi.

Sipas informacioneve të para nuk ka të lënduar apo dëme materiale, kumtuan kompetentët.

Për momentin nuk mund të merret konfirmim i pavarur i raporteve të tilla.

Nga pala ukrainase, aktualisht nuk ka komente mbi pretendimet e zyrtarëve rajonalë rusë. ls/

Foto: Arkivi i MIA-s