Trazira në Jerusalem: Policia ka përdorë topa uji, arrestohen gjashtë protestues
- Policia izraelite sot përdori topa uji dhe arrestoi gjashtë protestues para Parlamentit izraelit (Knesetit), para votimit kyç për reformat në gjyqësor.
- Post By Ajrije Rexhepi
- 14:52, 24 korrik, 2023
Jerusalem, 24 korrik 2023 (MIA) - Policia izraelite sot përdori topa uji dhe arrestoi gjashtë protestues para Parlamentit izraelit (Knesetit), para votimit kyç për reformat në gjyqësor.
Protestuesit sot protestuan duke bllokuar bulevardin përballë Knesetit, në Jerusalem, ku policia përdori topa uji për t'i larguar nga rruga. Policët u përpoqën t'i largojnë protestuesit nga rruga, por disa u lidhën me zinxhirë për bllokuesit e biçikletave.
Policia tha se ka hasur në rezistencë nga protestuesit, të cilët hodhën edhe bomba tymuese. Sipas policisë, protestuesit nuk iu bindën urdhrave të tyre, ndaj u është dashur të zbatojnë masa për të parandaluar trazirat për shkak të pengimit të hyrjes në Kneset, raportojnë mediat izraelite.
Presidenti izraelit Isak Hercog tha se vendi është në një "gjendje të jashtëzakonshme" dhe u bëri thirrje liderëve politikë që të arrijnë kompromis.
Foto: skrinshot nga Tuiteri
Israeli citizens protesting against the judicial overhaul sitting on the roads leading to the Knesset, Jerusalem with their back to the water cannon, in order to avoid physical injuries. Plenum general debate will end within 3 hours and final roll call will begin thereafter pic.twitter.com/F1A3X9319k
— Tal Schneider טל שניידר تال شنايدر (@talschneider) July 24, 2023