Shkup, 6 mars 2025 (MIA) - Miqësia mes Kroacisë dhe Maqedonisë është shumë e fortë dhe këtë e ndjej në çdo hap. Ajo zgjat shumë më tepër se 33 vjet kur u vendosën marrëdhëniet tona diplomatike. Ne jemi të lidhur me një histori të përbashkët, respekt të sinqertë, ndërsa një urë shtesë miqësie është pakica e Maqedonisë në Kroaci dhe kroatët në atdheun tuaj, theksoi kryetari i Kuvendit të Kroacisë, Gordan Jandrokoviq në një fjalim para Kuvendit të Maqedonisë.

Ai theksoi se kemi bashkëpunim në transport, industri ushqimore dhe kimike, energjetikë dhe në sektorin TIK, si dhe në turizëm, duke përmendur se mbi 50,000 turistë nga Maqedonia vitin e kaluar e kanë vizituar Kroacinë dhe ky numër, vazhdimisht rritet. Fakti që qytetarët e Maqedonisë shkojnë për të punuar në Kroaci, siç tha ai, "tregon për shkëmbimin pozitiv ekonomik".

"Na lidhë edhe bashkëpunimi ekonomik dhe bashkëpunimi tregtar dhe shkëmbimi dypalësh i cili po rritet dhe i ka kaluar 320 milionë euro në vitin 2023, ndërsa në vitin 2024 ka qenë edhe më i lartë. Ne duam të rrisim këtë kornizë ekonomike... dhe për të vendosur nisma të reja ekonomike... Ju bëj thirrje që të përdorni të gjitha format e mundshme të bashkëpunimit dypalësh, veçanërisht ndërmjet anëtarëve të dy parlamenteve tona, si dhe ndërmjet shërbimeve të tyre të ekspertëve", tha Jandrokoviq. 

Kryetari i Kuvendit të Kroacisë, në fjalimin e tij para deputetëve, shpreson se partneriteti në NATO do të shpërblehet me anëtarësimin tonë në Bashkimin Evropian.

Siç tha ai, në Republikën e Kroacisë është shumë e rëndësishme që vendimi për hapjen e negociatave me Maqedoninë e Veriut dhe Shqipërinë të jetë marrë gjatë presidencës së tyre me BE-në, në mars të vitit 2020.

Siç tha ai, edhe ata kaluan një proces shumë të vështirë për t'u anëtarësuar në Union dhe "për këtë arsye ne ju themi nga përvoja jonë se ju duhet vazhduar, nga këndvështrimi i sotëm, ajo rrugë dhe ato reforma kanë dhënë vërtet rezultat".

"Kohët e sotme janë shumë të pasigurta, kur uniteti në BE dhe NATO po përballet me një sfidë të madhe. Ne duhet të monitorojmë në mënyrë aktive zhvillimet globale, të jemi vigjilentë dhe të përgatitur, të kemi planifikim strategjik, të punojmë në forcimin e kapaciteteve tona mbrojtëse dhe të kemi një përgjigje në kohë ndaj të gjitha sfidave. Në këto kohë të trazuara, ne jemi të detyruar të bëjmë gjithçka për të mbrojtur qytetarët tanë dhe institucionet tona duhet të jenë më elastike", tha kryetari i Kuvendit të Kroacisë. qa/

Foto: MIA