Të paktën 52 viktima nga vala e të nxehtit në Nju-Delhi
- Të paktën 52 persona kanë humbur jetën në Nju-Delhi nga vala intensive e të nxehtit, njoftuan sot mediat lokale.
Nju-Delhi, 20 qershor 2024 (MIA) - Të paktën 52 persona kanë humbur jetën në Nju-Delhi nga vala intensive e të nxehtit, njoftuan sot mediat lokale.
Sipas Tajms of India, të paktën 52 trupa janë sjellë në spitale në dy ditët e fundit, kryesisht njerëz të varfër që jetonin dhe punonin në ambient të hapur.
Në India janë regjistruar më shumë se 40.000 raste të goditjes nga i nxehti këtë verë dhe të paktën 110 vdekje të konfirmuara nga 1 marsi deri më 18 qershor, kur India veriperëndimore dhe lindore shënuan dyfishin e ditëve të zakonshme të valëve të të nxehtit për sezonin.