Shkup, 20 maj 2024 (MIA) - Presidentja e shtetit Gordana Siljanovska në takimin e sotëm në vilën Vodno me ambasadorin austriak Martin Pamer, e theksoi rëndësinë e mbështetjes austriake për aspiratat e Maqedonisë së Veriut për anëtarësim në Bashkimin Evropian. 

Siç informojnë nga kabineti i saj, presidentja ka theksuar pritjen për vazhdimin e pandërprerë të rrugës në integrimet evropiuane, përmes evaluimit të drejtë të anëtarësimit, në bazë të Kritereve të Kopenhagës, informojnë nga kabineti i saj. 

"Presidentja Siljanovska Davkova e theksoi gatishmërinë që të kontribuojë në sigurimin e koncensusit kombëtar për përshpejtimin e agjendës së reformave në të gjitha sferat kritike të theksuara në raportet e Komisionit Evropian", njoftojnë nga kabineti i shefes së shtetit. 

Dy bashkëbiseduesit ishin pajtuar që Republika e Austrisë dhe shteti ynë kultivojnë marrëdhënie miqësore dhe partnere, përmes zhvillimit të tyre në shumë sfera me interes të ndërsjellë dhe në atë drejtim presidentja Siljanovska Davkova e theksoi gatishmërinë e saj që gjatë kohës së mandatit të saj të kontribuojë për avancim të tyre të mëtutjeshëm, si në plan politik, ashtu edhe në plan ekonomik. 

Ambasadori Pamer i dërgoi urime presidentes Siljanovska Davkova me rastin e marrjes së funksionit. fc/

Fotografia: Kabineti i Presidentes së shtetit