Shkup, 29 shkurt 2024 (MIA) - Shumica e komunave kanë plane të përgjithshme urbanistike (PPU) ku vlefshmëria formale ka skaduar. Ndryshe nga PPU-të e vjetruara, në komunat që kanë qenë objekt i këtij hulumtimi, për pesë vite janë miratuar më shumë PPU dhe janë bërë shumë ndryshime të atyre, tregojnë rezultatet e hulumtimit “PPU-të e vjetruara, ndryshime të shpeshta të PDU-ve dhe një numër i madh të ndërtimeve pa leje” thuhet në publikimin e Qendrës për komunikim civil (QKC).

Rezultatet e hulumtimit tregojnë se krahas periudhës së parashikuar me ligj prej 10 vitesh, në disa komuna PPU nuk është ndryshuar edhe pas më shumë se 20 vitesh. Përditësimi në kohë dhe hartimi i PPU-ve të reja krijon rrezikun e menaxhimit të paplanifikuar të tokës ndërtimore dhe rrezikimin e interesit publik dhe cilësisë së jetës.

"Madje tre të katërtat e ndryshimeve të PDU-ve janë bërë me kërkesë të personave fizikë ose juridikë, që do të thotë se është praktikë e vendosur - dokumentacioni të ndryshohet dhe përshtatet sipas nevojave të subjekteve të jashtme kundrejt iniciativës për ndryshime të PDU-ve nga komuna, ku do të parashikoheshin më shumë projekte për përmirësimin e hapësirës publike. Çdo kërkesë e tretë për ndërtim në periudhën 2018-2022 është refuzuar ose tërhequr, që flet se procedurat për dhënien e lejes së ndërtimit nëpër komuna, në raste të caktuara mund të zgjaten padrejtësisht ose nga ana tjetër të mos sigurohet trajtim i barabartë i aplikantëve”, thuhet në deklaratën e sotme të Qendrës për komunikim civil.

Kjo njëherësh tregon se kërkesat për legalizimin e objekteve të ndërtuara pa leje iniciuar në vitin 2018 janë më shumë se dyfishi i kërkesave për leje ndërtimi të dorëzuar në periudhën pesëvjeçare nga viti 2018 deri në vitin 2022. Kjo, sipas Qendrës, flet pa mëdyshje për pasojat e miratimit të Ligjit për përcaktimin e statusit juridik të objekteve të ndërtuara pa leje, me çka kërcënon parimet e sundimit të ligjit dhe të drejtën e zhvillimit planor të planifikimit hapësinor në vend.

Foto: Qendra për komunikim civil