Bruksel, 11 mars 2025 (MIA) - Në kuadër të tensioneve të shtuara gjeopolitike dhe ripërtëritjes së momentit të zgjerimit të BE-së, Parlamenti Evropian përveç zyrës në Tiranë përgjegjëse për kontaktet me vendet e Ballkanit Perëndimor, do të hapë edhe një përfaqësi në Kishinau, e cila do të përfaqësojë një pikë kyçe për marrëdhëniet me parlamentet kombëtare nga vendet partnere të rajonit lindor dhe partnerët vendorë.

"Zyra do të promovojë pozicionet dhe aktivitetet e Kuvendit dhe do të mbështesë demokracinë dhe reformat institucionale në rajon. Ajo do të ndihmojë në përgatitjen dhe vazhdimin e vizitave zyrtare të eurodeputetëve, ndërsa do të forcojë bashkëpunimin me aktorët e tjerë të BE-së në terren, organizatat ndërkombëtare dhe shoqërinë civile", njoftoi Parlamenti Evropian.

Vendimi për hapjen e Zyrës së PE-së në Kishinau vjen përpara votimit të sotëm nga eurodeputetët për krijimin e një Instrumenti të ri për Reformat dhe Rritjen për Moldavinë me vlerë prej 1.9 miliardë euro, që synon të përshpejtojë reformat socio-ekonomike në vend, të forcojë qëndrueshmërinë e saj dhe të avancojë integrimin e Moldavisë në BE, përmes granteve më të lira dhe huave me interes të ulët.

"Krijimi i zyrës në Kishinau thekson mbështetjen e fuqishme të Parlamentit Evropian për rajonin e Partneritetit Lindor, duke promovuar stabilitetin, demokracinë dhe lidhjet më të ngushta midis BE-së dhe fqinjëve të saj. sa/

Фото: МИА Архива