Islamabad, 21 nëntor 2024 (MIA) - Të paktën 28 ​​persona janë vrarë, ndërsa dhjetëra janë plagosur, pasi një grup i armatosur hapi zjarr ndaj disa automjeteve në veriperëndim të Pakistanit.

Incidenti ka ndodhur në Kuram, në provincën veriperëndimore Hajber Pahtunhva, ku muajt e fundit në përleshjet fetare midis shumicës sunite dhe myslimanëve pakicë shiitë janë vrarë dhjetëra persona.

Ende askush nuk e ka ndërmarrë përgjegjsinë për sulmin.

Presidenti i Pakistanit, Asif Ali Zardari e dënoi sulmin dhe i ka urdhëruar autoritetet të ndërmarrin masa kundër atyre, të cilët e organizuan sulmin.

Myslimanët shiitë përbëjnë rreth 15 për qind nga popullata 240-milionëshe me shumicë sunite në Pakstan, i cili ka një histori të armiqësisë fetare midis shiitëve dhe sunitëve. rq/bsh/

Foto: arkivi i MIA-s