Londër, 21 nëntor 2024 (MIA) - Ambasadori i Ukrainës në Britaninë e Madhe, ish komandanti suprem i forcave të armatosura të Ukrainës, Valerij Zaluzhni deklaroi sot se pas përfshirjes së drejtpërdrejtë të aleatëve rusë në luftën kundër Ukrainës, mund të konsiderohet se ka filluar lufta e tretë botërore.

"Unë besoj se në vitin 2024, absolutisht mund të pretendojmë se Lufta e tretë botërore ka filluar. Sepse në vitin 2024, Ukraina nuk po përballet më me Rusinë. Ushtarë nga Koreja e Veriut qëndrojnë përballë Ukrainës. Të jemi të sinqertë. Tashmë në Ukrainë ‘shahedët" iranianë janë absolutisht në terren, duke vrarë civilë. Raketat e prodhimit të Koresë së Veriut fluturuan mbi Ukrainë dhe ata e konfirmojnë këtë. Pjesët kineze po përdoren në raketat ruse", theksoi Zaluzhni në ndarjen e çmimeve UP-100, transmetojnë mediat ukrainase.

Sipas mendimit të tij, pjesa më e madhe e ushtrisë do të pajtoheshin se të gjithë faktorët e listuar më sipër janë arsye për të thënë se një luftë botërore ka filluar dhe se bota duhet të përgatitet për të.

Foto: EPA