Shkup, 29 tetor 2025 (MIA) – Moti sot në mëngjes do të jetë kryesisht i kthjellët dhe i ftohtë, gjatë ditës me diell me vranësira të vogla deri mesatare. Do të fryjë erë e lehtë nga drejtimi jugor, njoftoi Drejtoria për Punë Hidrometeorologjike. 

Temperatura minimale do të lëvizë në interval prej -4 deri 4, ndërsa ajo maksimale do të lëvizë prej 15 deri 20 gradë. 

Në Shkup mot me diell me vranësira të vogla deri mesatare. Do të fryjë erë e lehtë nga drejtimi juglindor. Temperatura minimale do të bie deri në 2, ndërsa ajo maksimale do të arrijë deri 16 gradë. 

Sipas parashikimit të DPHM-së vijon periudhë e motit të qëndrueshëm dhe të thatë. Paradite në disa lugina do të ketë kushte për paraqitje të mjegullës ose vranësirave të ulëta. Për shkak të kthjellimit temperatura e mëngjesit në disa vende do të bie nën zero, ndërsa ajo e ditës do të shënojë tendencë të rritjes së lehtë. fc/

Foto: Arkivi i MIA-s