Shkup, 2 prill 2025 (MIA) - Kryeministri Hristijan Mickoski deklaroi sot se koalicioni qeveritar është stabil, ndërsa grindja publike mes deputetit të VMRO-DPME-së, Antonio Milloshoski dhe ministrit të Drejtësisë, Igor Filkov nga partneri i koalicionit ZNAM, sipas tij, do të ndalet, siç thotë, në këto dy qëndrime personale.

Mickoski, në përgjigje të pyetjeve të gazetarëve për zënkat mes Milloshoskit dhe Filkovit, tha se të gjithë kanë të drejtë në një ditë të keqe.

"Koalicioni qeveritar është i stabil. Deputeti Antonio Milloshoski është anëtar i Komitetit Ekzekutiv të partisë, ai është pjesë e perimetrit tim më të afërt. Unë bashkëpunimin me Antonio Milloshoskin e vlerësoj në nivelin më të lartë, ai është vlerë e shtuar si brenda grupit parlamentar ashtu edhe brenda partisë. Unë e di me çfarë problemesh është përballur ministri Igor Filkov, e di se çfarë gjendje ka gjetur në Ministrinë e Drejtësisë, ne vazhdimisht bashkëpunojmë në baza ditore në fushën e reformave, të cilat janë shumë të rëndësishme, veçanërisht në sektorin e drejtësisë. Por ajo që kam mundur të konkludoj dhe jam i bindur se e gjithë kjo do të ndalet në këto dy qëndrime personale, se të gjithë kanë të drejtë në një ditë të keqe, kështu që mendoj se ajo ditë e keqe përfundon për të dy, tha Mickoski, pas lansimit të fabrikës "Magna Mehatroniks" në ZZHTI Shtip.

I pyetur nëse ka ndonjë problem me koalicionin VLEN, ku është ministri i Shëndetësisë Arben Taravari, i cili drejton një nga krahët e Aleancës për Shqiptarët, ai tha se nuk ka një ndjenjë të tillë dhe se kanë një bashkëpunim të jashtëzakonshëm.

"Jo, nuk e kam atë ndjenjë. Përkundrazi, kemi bashkëpunim të jashtëzakonshëm. Qytetarët të jenë të sigurt se Qeveria është e qëndrueshme, jozyrtarisht më shumë se dy të tretat dhe zyrtarisht këtë Qeveri e mbështesin 78 deputetë. Qytetarët, sipas asaj që shoh nga anketat, janë përkrahës, ka një mendim të jashtëzakonshëm pozitiv se edhe Maqedonia po ecën në drejtim pozitiv dhe kjo është një frymëzim për ne që të vazhdojmë të ecim përpara dhe të punojmë", tha Mickoski.

Deputeti dhe nënkryetar i Kuvendit të VMRO-DPMNE-së, Antonio Milloshoski dje në një dalje televizive tha se ministri i Drejtësisë Igor Filkov ka kontribut të dobët në fushën që ai menaxhon.

"Ky është qëndrimi im personal, nuk do të thotë se është qëndrim i partisë apo i grupit parlamentar. Mendoj se ministri i Drejtësisë ka performancë të dobët për sa i përket angazhimeve që ka marrë për reformat në gjyqësor. Ky është mendimi im," tha Milloshoski.

Ai theksoi se priste që deri më tani në Kuvend të paktën në draft version të ishin dorëzuar Propozim-ligji për Gjykatat, Propozim-ligji për Buxhetin e Gjykatës, Propozim-ligji për Prokurorinë Publike, Kodi i ri Penal. ls/

Foto: Printskrin